وزیر اعظم عمران خان کی سکھ برادری کو بیساکھی کی مبارکباد

وزیر اعظم عمران خان کی سکھ برادری کو بیساکھی کی مبارکباد

وزیر اعظم عمران خان نے سکھ برادری کو ان کے مذہبی تہوار بیساکھی کی مبارک باد دیتے ہوئے کہا ہے کہ پاکستان میں موجود مذہبی مقامات کے دورے کے لیے خصوصی اجازت دی گئی ہے۔ وزیر اعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے سکھ برادری کو ان کے تہوار بیساکھی کی مبارکباد دی۔

وزیر اعظم کا کہنا تھا کہ بھارتی سکھ یاتریوں کو خصوصی اجازت دی گئی ہے تاکہ وہ بیساکھی کی رسومات ادا کرنے کے لیے پاکستان میں موجود مذہبی مقامات کا دورہ کرسکیں۔

انہوں نے کہا کہ ایس او پیز کے تحت یاتریوں کو لنگر، ٹرانسپورٹ اور رہائشی سہولیات دی جائیں گی۔

 ہر سال بھارت سے سکھ یاتری اپنے مذہبی تہواروں کے موقع پر کرتار پور اور ننکانہ صاحب میں گردوارہ جنم استھان پہنچتے ہیں اور اپنی مذہبی رسومات ادا کرتے ہیں۔

اس خبر پر اپنی رائے کا اظہار کریں