کویت ٹریفک حادثہ، زخمی پاکستانی شہری 2 روز تک اسپتال میں رہنے کے بعد انتقال کر گیا

کویت ٹریفک حادثہ، زخمی پاکستانی شہری 2 روز تک اسپتال میں رہنے کے بعد انتقال کر گیا

کویت میں ٹریفک حادثے میں شدید زخمی ہونے والا پاکستانی شہری 2 روز تک اسپتال میں زندگی و موت کی کشمکش میں رہنے کے بعد انتقال کر گیا۔

کویت کی ابدلی روڈ پر ہونے والے ٹریفک حادثے کے نتیجے میں 2 دن قبل 2 کویتی شہری جاں بحق ہوئے تھے جبکہ اس حادثے میں ایک پاکستانی شہری بھی شدید زخمی حالت میں اسپتال میں لایا گیا تھا۔

یہ شہری 2 روز اسپتال میں زندگی و موت کی کشمکش میں رہنے کے بعد انتقال کر گیا تھا۔

حکام کے مطابق پاکستانی شہری کی گاڑی نامعلوم وجوہات کے سبب الٹ گئی تھی جس میں سوار دونوں کویتی موقع پر ہی جاں بحق ہوگئے تھے۔

سیکیورٹی ذرائع کے مطابق وزارت داخلہ کے آپریشن روم کو حادثے کی اطلاع موصول ہوئی تھی۔ سیکیورٹی اور پیرامیڈک کی ٹیمیں فوری طور پر موقع پر پہنچ گئی تھیں۔

پاکستانی شہری کی لاش فارنزک کے حوالے کردی گئی تھا۔ جاں بحق ہونے والے پاکستانی شہری کی شناخت ندیم اختر فاروقی کے نام سے ہوئی تھی۔

اس خبر پر اپنی رائے کا اظہار کریں