کورونا کیسز میں اضافہ, ہر قسم کی تقریبات کے انعقاد پر مکمل طور پر پابندی عائد

کورونا کیسز میں اضافہ, ہر قسم کی تقریبات کے انعقاد پر مکمل طور پر پابندی عائد

سندھ میں کورونا کیسز میں اضافہ کے پیش نظر شہر قائد کے جنوبی علاقوں میں ہر قسم کی تقریبات کے انعقاد پر مکمل طور پر پابندی عائد کردی گئی ہے۔

اس حوالے سے نوٹیفکیشن بھی جاری کردیا گیا ہے جس کے مطابق کراچی کے ضلع جنوبی میں تمام تقریبات پر پابندی عائد کردی گئی ہے۔

حکم نامے میں کہا گیا ہے کہ ضلع جنوبی میں11اپریل تک تمام تقریبات پرپابندی ہوگی جس کے تحت سماجی، سیاسی، کھیل، تفریح سمیت تمام تقریبات پر11اپریل تک نہیں ہوسکیں گی۔

نوٹی فکیشن کے مطابق ڈیفنس ہاؤسنگ اتھارٹی (ڈی ایچ اے ) اپنی حدود میں پابندی پر عمل درآمد کرائے اور این سی او سی کے اگلے لائحہ عمل تک ان ہدایات پر عمل درآمد کو یقینی بنایا جائے۔

اس خبر پر اپنی رائے کا اظہار کریں