سندھ بلڈنگ کنٹرول اتھارٹی میں اٹھارہ ٹاؤنز کا نظام ختم، محکمے سات اضلاع میں تقسیم

سندھ بلڈنگ کنٹرول اتھارٹی میں اٹھارہ ٹاؤنز کا نظام ختم، محکمے سات اضلاع میں تقسیم

سندھ بلڈنگ کنٹرول اتھارٹی نے ایس بی سی اے افسران کو اب یوسی کی سطح پر تعینات کرنے کا فیصلہ کیا ہے۔

سندھ بلڈنگ کنٹرول اتھارٹی میں طویل عرصے سے رائج اٹھارہ ٹاؤنز کا نظام ختم کرتے ہوئے محکمے کو سات اضلاع میں تقسیم کردیا ہے، اسی فیصلے کے ساتھ ہی ٹاؤن میں کام کرنے والے تمام افسران کے عہدے ختم ہوگئے ہیں، محکمہ لوکل گورنمنٹ سندھ نے اس سے متعلق نوٹی فکیشن جاری کردیا ہے۔

اس فیصلے کے بعد 18 ڈائریکٹرز،32ڈپٹی ڈائریکٹرز، 125 اسسٹنٹ ڈائریکٹرز، 96 سینئر انسپکٹر کے عہدے ختم کردئیے گئے ہیں، اب ایس بی سی اے افسران کو یوسی کی سطح پر تعینات کیا جائے گا۔

محکمہ لوکل گورنمنٹ سندھ کی جانب سے جاری نوٹی فیکیشن کے مطابق ایسٹ ، کورنگی ، ملیر ، ساؤتھ، سینٹرل، غربی اور کیماڑی اضلاع کا سربراہ ڈائریکٹر ہوگا ٹاؤن کی جگہ ڈویژن کے سربراہ ڈپٹی ڈائریکٹر ہوں گے جبکہ یوسی سطح پر43ڈپٹی ڈائریکٹرز ، 97اسسٹنٹ ڈائریکٹرز تعینات کئےجائیں گے، یوسی سطح پر97 سینئر بلڈنگ انسپکٹرز تعینات کیے جائیں گے۔

فیصلے کے مطابق ضلعی نظام رائج کرنے کیلئےادارے کو ڈپٹی ڈائریکٹرز کی کمی کا سامنا ہوگا، مذکورہ فیصلہ فکرپشن چھپانے، ملازمتوں سے فارغ، من پسند بھرتیوں کیلئےکیا گیا ہے۔

اس خبر پر اپنی رائے کا اظہار کریں