معید یوسف نے بھارت میں اپنی بطور پاکستانی ہائی کمشنر تعیناتی کی تردید کردی

معید یوسف نے بھارت میں اپنی بطور پاکستانی ہائی کمشنر تعیناتی کی تردید کردی

قومی سلامتی کے مشیر معید یوسف نے بھارت میں اپنی پاکستانی ہائی کمشنر تعیناتی کی تردید کرتے ہوئے خبر کو من گھڑت اور بے بنیاد قرار دے دیا۔

قومی سلامتی کے مشیر معید یوسف نے سماجی رابطے کی ویب سائٹ ٹوئٹر پر بھارت میں اپنی پاکستانی ہائی کمشنر تعیناتی کی تردید کرتے ہوئے کہا میرے حوالےسے شائع خبر من گھڑت اوربےبنیاد ہے۔

آج کل کچھ خبریں بغیر کسی تصدیق کے شائع کردی جاتی ہیں، خبرلگانےسے پہلے یہ تو دیکھ لیں اس کی کوئی منطق بھی ہےکہ نہیں۔

 خیال رہے ذرائع کے حوالے سے خبریں گردش کررہی تھیں ، جس میں معید یوسف کو بھارت میں بطورپاکستانی ہائی کمشنر تعیناتی کے لیے فیورٹ امیدوار قرار دیا تھا۔

واضح رہے یوسف کو دسمبر 2019 میں قومی سلامتی سے متعلق وزیر اعظم کا معاون مقرر کیا گیا تھا۔ وہ پہلے واشنگٹن ڈی سی میں امریکی انسٹی ٹیوٹ آف پیس میں ایشیاء سنٹر کے ایسوسی ایٹ نائب صدر تھے۔

اس خبر پر اپنی رائے کا اظہار کریں