پیپلز پارٹی نے سندھ میں سینیٹ الیکشن کے لیے بات کی ہے: فیصل سبزواری

پیپلز پارٹی نے سندھ میں سینیٹ الیکشن کے لیے بات کی ہے: فیصل سبزواری

ایم کیو ایم کے رہنما اور سینیٹ کے امیدوار فیصل سبزواری نے کہا ہے کہ ووٹ فروخت کرنے والے رکن کو ڈی سیٹ کرنا چاہیے، بیلٹ کا تقدس ہر صورت پامال ہونے سے بچانا ہوگا، پیپلز پارٹی سے رابطہ ہوا ہے، یوسف رضا گیلانی ایم کیو ایم کے مرکز آنا چاہتے ہیں۔

الیکشن کمیشن کے دفتر کے باہر میڈیا سے بات کرتے ہوئے انہوں نے کہا کہ الیکشن کمیشن میں حلف نامہ جمع کرادیا ہے، سخت الفاظ تھے مگر یہ فیصلہ خوش آئند ہے، شفافیت کے لیے یہ ضروری تھا۔

ایم کیو ایم کی خواہش ہے کہ جو رکن اپنا ووٹ فروخت کرے یا جو خریدے اسے ڈی سیٹ کردیا جائے، اس جماعت کے خلاف بھی کارروائی ہونے چاہیے، کم از کم اس مرتبہ تو ماضی کو نہ دہرایا جائے، بیلٹ کا تقدس پامال ہونے سے بچانا ہے۔

فیصل سبزواری نے بتایا کہ پیپلز پارٹی نے سندھ میں سینیٹ الیکشن کے لیے بات کی ہے، یوسف رضا گیلانی بھی ملنے کے خواہش مند ہیں اور وہ ایم کیو ایم کے مرکز آنا چاہتے ہیں، ہم ان سے ملیں گے اس میں کوئی حرج نہیں ہے۔

انہوں نے مزید کہا کہ ابھی بات چیت جاری ہے، جی ڈی اے اور پی ٹی آئی خواتین نشست پر ایم کیو ایم کو ووٹ دیں گے اسی طرح ہم دوسری نشستوں پر انہیں سپورٹ کریں گے۔

اس خبر پر اپنی رائے کا اظہار کریں