بھارتی فوج کی لائن آف کنٹرول پر فائرنگ سے پاک فوج کا جوان شہید

لائن آف کنٹرول پر بھارتی فوج کی جانب سے ایک بار پھر جنگ بندی معاہدے کی خلاف ورزی کی گئی ہے جس کے نتیجے میں پاک فوج کا ایک جوان شہید ہوگیا۔

پاک فوج کی جانب سے جاری بیان کے مطابق بھارتی فوج نے لائن آف کنٹرول کے دیوا سیکٹر میں بلااشتعال فائرنگ کی، پاک فوج کی جانب سے بھارتی فوج کی فائرنگ کا بھرپور جواب دیا گیا۔

آئی ایس پی آر کے مطابق پاک فوج کی جوابی فائرنگ سے بھارتی فوج کا جانی ومالی نقصان ہوا ہے جبک بھارتی فوج کی فائرنگ سے پاک فوج کا 28 سال کا سپاہی نبیل لیاقت شہید ہوا۔

شہید اہلکار نبیل لیاقت گوجرخان کا رہنے والا تھا۔ پاک فوج کی جوابی کارروائی میں بھارتی پوسٹوں کو بھاری جانی و مالی نقصان پہنچایا گیا۔

اس خبر پر اپنی رائے کا اظہار کریں