جلسہ کرنے تک یہاں سے نہیں جائیں گے ، مولانا فضل الرحمان

انہوں نے کہا کہ جے یو آئی ف کے رضا کار قوم کے خدمت گزار ہیں یہ اسکواڈ نہیں اور مجھے گرفتار کرنے سے پہلے گرفتار کرنے والوں کو گرفتار کرلیں گے ۔

مولانا فضل الرحمان نے کہا کہ رکاوٹیں، موبائل فون سروس اور دیگر پابندیاں حکومت کے کچھ کام نہیں آئیں گی جبکہ جلسے کا تمام نظم و ضبط بہترین ہو گا۔

انہوں نے کہا کہ ملتان کے جلسے کو روکنے کے لیے پی ڈی ایم کے قائدین کو گرفتار کیا جا رہا ہے لیکن میں بتانا چاہتا ہوں گرفتاریوں سے تحریکیں کم نہیں بڑھتی ہیں اور رضاکار اپنا کردار بھرپور طریقے سے ادا کر رہے ہیں۔

پی ڈی ایم سربراہ نے کہا کہ ہمیں کوئی مارے گا تو خاموش نہیں بیٹھیں گے۔