فلائٹ لیفٹینیٹ (ر) خاقان مرتضی ڈائریکٹر جنرل سول ایوی ایشن تعینات

فلائٹ لیفٹینیٹ (ر) خاقان مرتضی ڈائریکٹر جنرل سول ایوی ایشن تعینات

فلائٹ لیفٹینیٹ ریٹائرڈ خاقان مرتضی کو ڈائریکٹر جنرل سول ایوی ایشن (ڈی جی سی اے اے) تعینات کردیا گیا۔

اسٹیبلشمنٹ ڈویژن نے خاقان مرتضی کی بطور ڈی جی سی اے اے کی تعیناتی کا باقاعدہ نوٹیفیکیشن جاری کردیا ہے۔خاقان مرتضی ایم ڈی یوٹیلیٹی اسٹورز کارپوریشن بھی رہ چکے ہیں۔ ان کی تعیناتی فوری طور سے نافذ العمل اورتاحکم ثانی ہو گی۔

سی ای او پی آئی اے ائیر مارشل ارشد ملک نے ڈی جی سول ایوایشن کی تعیناتی کا خیر مقدم کرتے ہوئے خاقان مرتضی کیلئے نیک خواہشات کا اظہار کیا ہے۔

ائیر مارشل ارشد ملک کا کہنا ہے کہ مستقل سربراہ کی تعیناتی سے پاکستان کی ہوابازی کی صنعت مضبوط ہوگی، پی آئی اے اور دیگر ائیرلائنز سول ایوایشن کے ساتھ مل کر ہوابازی کی صنعت کو آگے لے کے جائیں گے۔

‘ڈی جی سی اے اے کی اسامی، تمام600 درخواست گزار معیار پر پورا نہ اترے’
چند روز قبل ایک پروگرام میں گفتگو کرتے ہوئے وزیر ہوابازی غلام سرور نے کہا تھا کہ ڈی جی سی اے اے کے حوالے سےعدالت کا حکم ہے تعیناتی کردیں گے ڈی جی سول ایوی ایشن کے لیے600 امیدواروں نے اپلائی کیا جس میں سے 18امیدواروں کوشارٹ لسٹ کیا وہ بھی مطلوبہ میعار پر پورے نہ اترے۔

ملازمین کو فارغ کرنے کی پالیسی کےحوالے سے انہوں نے واضح کیا کہ ماضی میں پی آئی اےمیں سیاسی بنیادوں پربھرتیاں کی گئیں، پی آئی اے میں7ہزار افراد کی ضرورت ہے ہمارے پاس 14ہزار ملازمین ہیں، 7 ہزار ملازمین کو وی ایس ایس اسکیم کےتحت فارغ کرنا ہےجن لوگوں کونکال رہاہے ان کومطمئن کریں گے۔

اس خبر پر اپنی رائے کا اظہار کریں