پاکستانی خبریں

کراچی: کورونا کیسز میں اضافہ کے پیش نظرمتعدد سرکاری اسکول بند

کورونا کیسز میں اضافہ کے پیش نظر ضلع ملیر کے متعدد سرکاری اسکول بند کردیئے گئے ہیں،ضلع ملیر کے 8 سرکاری اسکولوں میں کوویڈ کیسز زیادہ رپورٹ ہوئے ہیں۔

تفصیلات کے مطابق کورونا کیسز میں اضافے کے پیش نظر ملیر کے متعدد سرکاری اسکول بند کردیئے گئے ، ڈی ڈی ای اوضلع ملیرنے اسکول پرنسپل کو احکامات جاری کردیئے ہیں۔

محکمہ تعلیم کے مطابق ضلع ملیر کے مختلف اسکولوں میں کرائے گئے کوویڈ ٹیسٹ بڑی تعداد میں پوزیٹیو آئے ہیں جس کے پیش نظر فوری طور پر آج سے 8سرکاری اسکولوں کو بند کردیا گیا ہے۔

محکمہ تعلیم نے کہا ہے کہ تمام متاثرہ افراد 5دن کیلئے گھروں پر قرنطینہ میں چلے جائیں، ضلع ملیر کے8سرکاری اسکولوں میں کوویڈ کیسززیادہ رپورٹ ہوئے ہیں۔

کوویڈ کے حوالے سے این سی او سی کی گائڈ لائن پر عمل کریں گےاور تمام کلاس رومزکو ڈس انفیکٹ کیا جائے جبکہ وہ تمام طلبا اور اساتذہ کو رابطے میں تھے وہ بھی احتیاط کریں اور گھروں پر قرنطینہ میں چلے جائیں۔

محکمہ تعلیم کا کہنا ہے کہ اسکول ابتدائی طور پر 5دن کیلئے بند کئے گئے ہیں ایس او پی فالو کرتے ہوئے کلاس روم کوریڈور کو ڈس انفیکٹ کیا جائے گا، جس کے بعد یکم نومبر سے تدریسی عمل بحال کریں گے۔

Related Articles

Back to top button