پاکستانی خبریں

خاتون کی گلا کٹی لاش کھیتوں سے برآمد، نجی یونیورسٹی کے طالب کی بھی خودکشی

شہر قائد کے علاقے سرجانی ٹاؤن میں شوہر نے بیوی کو قتل کردیا، خاتون کی گلا کٹی لاش کھیتوں سے برآمد ہوئی،یوپی موڑ پر نجی یونیورسٹی کے طالب علم نے فیس نہ ملنے پر خودکشی کرلی۔

تفصیلات  کے مطابق کراچی کے علاقے سرجانی ٹاؤن میں شوہر نے بیوی کو قتل کردیا، مقتولہ کی گلا کٹی لاش کھیتوں سے برآمد کرکے ملزم کو گرفتار کرلیا۔

پولیس کا کہنا ہے کہ مقتولہ کو گھریلو رنجش پر شوہر نے قتل کیا، مقتولہ کی لاش کو ضابطے کی کارروائی کے لیے اسپتال منتقل کردیا گیا ہے جبکہ ملزم کو گرفتار کرکے تحقیقات کا آغاز کردیا گیا ہے۔

ادھر یوپی موڑ میں طالبعلم نے گھر میں مبینہ طور پر خودکشی کرلی، پولیس کے مطابق 19 سالہ نوجوان حماد نے مبینہ طور پر خودکشی کی ہے، حماد یونیورسٹی کی داخلہ فیس نہ ملنے پر دلبرداشتہ تھا۔

حماد کے والد کے مطابق بیٹا انٹر میں اے گریڈ سے پاس ہوا تھا، وہ این ای ڈی یونیورسٹی کی داخلہ فیس مانگ رہا تھا، بیٹے کی فیس جمع کرنے میں تاخیر ہوئی تو اس نے زندگی کا خاتمہ کرلیا۔

والد نے پولیس کو دئیے گئے بیان میں بتایا کہ حماد نے پہلے بھی اور آج بھی داخلہ فیس کا کہا تھا، بیٹے کو ہفتے کو پیسے ادا کرنے کا کہا تھا، آج حماد نے خودکشی کرلی۔

Related Articles

Back to top button