کوئٹہ میں پانی کی شدید قلت، شہریوں کوسخت پریشانی کا سامنا

کوئٹہ زمین میں پانی کی سطح نیچے چلی گئی ہے تو سپلائی لائنوں میں پانی آنا بند ہوگیا ہے جس کے باعث شہریوں کو سخت مشکلات کا سامنا ہے۔

ہر گزرتے دن کے ساتھ صوبائی دارالحکومت میں پانی کا مسئلہ سنگین ہوتا جارہا ہے جس کے باعث بچے بوڑھے سبھی ہاتھوں میں گیلن لیے پانی کی تلاش میں سرگرداں نظر آتے ہیں۔

کوئٹہ کے علاقوں سریاب روڈ، اسپنی روڈ سمیت دیگر علاقوں میں سپلائی لائنوں میں پانی آنا تقریباً بند ہو چکا ہے جس کے باعث شہری دہری اذیت میں متبلا ہیں۔

 شہریوں عطا محمد اور شہزاد عزیز نے کہا کہ ہم بہت زیادہ پریشانی اور مشکل کا شکار ہیں مگر حکومت اس مسئلے پر کوئی توجہ نہیں دے رہی۔

علاقہ مکینوں کا کہنا تھا کہ شہر میں پانی کا مسئلہ شدت اختیار کرتا جا رہا ہے، حکومت کو اس مسئلے کے مستقل حل کے لیے ہنگامی بنیادوں پر اقدامات اٹھانے ہوں گے۔