وزیر اعظم نے عاصم سلیم باجوہ کی مستعفیٰ ہونے کی درخواست منظور کر لی

چیئرمین سی پیک اتھارٹی عاصم سلیم باجوہ نے سماجی رابطے کی ویب سائٹ ٹوئٹر پر کہا کہ انہوں نے وزیر اعظم عمران خان سے معاون خصوصی کا عہدہ چھوڑنے کی درخواست کی تھی جسے منظور کر لیا گیا ہے۔

I requested the honourable Prime Minister to relinquish me from the additional portfolio of SAPM on Info & broadcasting. He very kindly approved my request

— Asim Saleem Bajwa (@AsimSBajwa) October 12, 2020

یاد رہے کہ ایک ماہ قبل عاصم سلیم باجوہ نے وزیر اعظم کو اپنا استعفیٰ پیش کیا تھا جسے وزیر اعظم کی جانب سے مسترد کر دیا گیا تھا۔

وزیر اعظم کا کہنا تھا کہ لیفٹنٹ جنرل(ر) عاصم سلیم باجوہ کی جانب سے جو ثبوت اور وضاحت پیش کی گئی ہے وہ اس سے مطمئن ہیں۔ جس کے بعد وزیر اعظم نے عاصم سلیم باجوہ کو بطور معاون خصوصی کام جاری رکھنے کی ہدایت کی تھی۔