سابق صدر آصف زرداری کی طبیعت ناساز، نجی اسپتال میں داخل

سابق صدر آصف علی زرداری کو طبیعت خراب ہونے پر اسپتال منتقل کیا گیا جہاں انہیں داخل کرلیا گیا ہے۔

پیپلزپارٹی کی جانب سے سابق صدر کی طبیعت کی ناسازی اور اسپتال منتقل ہونے کی تصدیق کی گئی ہے۔

ترجمان بلاول ہاؤس کے مطابق سابق صدر کو شام میں نجی اسپتال منتقل کیا گیا جہاں ان کا چیک اپ اور ٹیسٹ کیے گئے۔

ذرائع کےمطابق سابق صدر کو ڈاکٹروں کی تجویز پر کراچی کے نجی اسپتال میں داخل کیا گیا۔

ذرائع نے بتایا کہ بلاول بھٹو زرداری اپنے والد آصف زرداری کو لے کر اسپتال پہنچے تھے تاہم ابتدائی ٹیسٹ سے متعلق رپورٹ آنے پر ڈاکٹرز ان کا علاج تجویز کریں گے۔

خیال رہے کہ سابق صدر میگا منی لانڈرنگ اور پارک لین ریفرنسز میں ضمانت پر ہیں جس کے بعد سے ہی ان کا علاج جاری ہے۔

اس خبر پر اپنی رائے کا اظہار کریں