آرمی چیف سے زلمے خلیل زاد اورافغانستان میں امریکی فوج کے سربراہ کی ملاقات
آرمی چیف سے امریکی نمائندہ خصوصی زلمے خلیل زاد اورافغانستان میں امریکی فوج کےسربراہ جنرل آسٹن نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق جی ایچ کیو راولپنڈی میں آرمی چیف جنرل قمر جاوید باجوہ سے امریکی نمائندہ خصوصی برائے افغان مفاہمتی عمل زلمے خلیل زاد اورافغانستان میں امریکی فوج کے سربراہ جنرل آسٹن سکاٹ ملر نے ملاقات کی۔
Ambassador Zalmay Khalilzad, US Special Representative for #Afghanistan Reconciliation and General Austin Scott Miller, Commander Resolute Support Mission in Afghanistan called on General Qamar Javed Bajwa, COAS at GHQ today.
Peace & stability in the region, Pak-Afghan Border pic.twitter.com/lxVcPyg4c7— DG ISPR (@OfficialDGISPR) October 8, 2020
ترجمان پاک فوج کے مطابق ملاقات میں باہمی دلچسپی کے امور اورخطے میں امن واستحکام کی صورتحال پر بات چیت کی گئی، ملاقات میں افغان امن عمل میں حالیہ پیشرفت اور پاک افغان بارڈرمینجمنٹ کے امور بھی زیرغورآئے۔ اس دوران پاکستان کے نمائندہ خصوصی برائے افغانستان محمد صادق بھی موجود تھے۔
امریکی نمائندہ خصوصی زلمے خلیل زاد اور افغانستان میں امریکی فوج کے سربراہ جنرل آسٹن نےافغان امن عمل میں پاکستان کے مثبت کردارکو سراہا۔
