خواجہ آصف نے میرے خلاف بیان کسی کے ایما پر دیا ہوگا: آصف زرداری

شریک چیئرمین پاکستان پیپلزپارٹی آصف علی زرداری کا کہنا ہے کہ خواجہ آصف نے میرے خلاف بیان کسی کے ایما پر دیا ہوگا۔

احتساب عدالت میں پیشی کے موقع پر میڈیا سے غیر رسمی گفتگو میں سابق صدر اور شریک چیئرمین پیپلزپارٹی آصف زرداری نے (ن) لیگی رہنما خواجہ آصف کے بیان پر ردعمل کا اظہار کرتے ہوئے کہا کہ خواجہ آصف نے میرے خلاف بیان کسی کے ایما پر دیا ہوگا۔

خواجہ آصف کا بیان اپوزیشن میں دراڑیں ڈالنے کی کوشش ہے تاہم اپوزیشن میں ہوتے ہیں تو اس طرح کے کیسز بنتے رہتے ہیں۔

واضح رہے کہ چند روز قبل نجی ٹی وی کے پروگرام میں گفتگو کرتے ہوئے مسلم لیگ (ن) کے رہنما خواجہ آصف نے کہا تھا کہ آصف زرداری کے بارے میں میری رائے تبدیل نہیں ہوئی، بار بار کہوں گا کہ مجھے آصف زرداری پر یقین نہیں ہے اور آج بھی ان پر تحفظات ہیں۔

اس خبر پر اپنی رائے کا اظہار کریں