اداروں کے خلاف ہرزہ سرائی دشمن ایجنڈے پرعمل کے مترادف ہے، پرویز خٹک

وزیر دفاع پرویز خٹک نے کہا کہ اپوزیشن بے وقت کی راگنی الاپ رہی ہے، اپوزیشن کی 2بڑی جماعتوں میں اختلافات کھل کرسامنےآگئےہیں باشعور عوام اپوزیشن کا بیانیہ خوب سمجھتے ہیں۔

پرویزخٹک نے کہا کہ مولانا فضل الرحمان کی خواہش پوری ہوتی ہوئی نظر نہیں آرہی، اداروں کیخلاف ہرزہ سرائی دشمن ایجنڈےپرعمل کرنےکےمترادف ہے۔

انہوں نے کہا کہ حکومت اپوزیشن کی بلیک میلنگ میں ہر گز نہیں آئے گی، وقت کا تقاضا ہےاپوزیشن جماعتیں ملکی مفادکی سیاست کریں اور قانون ہاتھ میں لینےکی اجازت کسی کونہیں دیں گے۔

پرویز خٹک نے کہا کہ معلوم نہیں اپوزیشن کس کےایجنڈےپرعمل کررہی ہے، اپوزیشن کا اتحاد بہت جلد پارہ پارہ ہوجائے گا عمران خان کادوٹوک موقف ہے۔ کسی کواین آراونہیں دیں گے، کرپشن اورپاکستان ایک ساتھ نہیں چل سکتے۔