پاکستانی خبریں

وزیراعظم کی نواز شریف کی واپسی کیلئے کوششیں تیز کرنے کی ہدایت

وزیراعظم عمران خان نے ایک بار پھر وفاقی کابینہ اجلاس میں نواز شریف کی وطن واپسی کیلئے کوششیں تیز کرنے کی ہدایت کی ہے۔

اسلام آباد میں وفاقی کابینہ کا اجلاس وزیراعظم عمران خان کی سربراہی میں ہوا جس میں وزیراعظم نے کہا کہ نواز شریف کو وطن واپس لاکر عدالت پیش کیا جائے گا۔

ذرائع کے مطابق وزیراعظم نے ہدایت کی کہ نوازشریف کو وطن واپس لانے کیلئے اقدامات کیے جائیں۔

اجلاس میں نوازشریف کو وطن واپس لانے کیلئے مختلف پہلوؤں پر غور کیا گیا اور اس حوالے سے وزارت خارجہ اور وفاقی تحقیقاتی ایجنسی (ایف آئی اے) کو ٹاسک سونپ دیا گیا۔

ذرائع کا کہنا ہے کہ نواز شریف کی واپسی کیلئے برطانوی حکومت کو ایک بار پھر خط لکھا جاسکتا ہے۔

وزیر اعظم نے اپوزیشن کی تحریک پر نظر رکھنے کیلئے سینیئر وزراء پر مشتمل کابینہ کمیٹی بنادی۔

کمیٹی میں کابینہ ارکان اسدعمر، شفقت محمود، شیخ رشید، شہزاد اکبر، ڈاکٹر بابر اعوان اور فواد چوہدری شامل ہوں گے۔

ذرائع کے مطابق کمیٹی اپوزیشن کی تحریک اور دیگر تمام سیاسی معاملات دیکھے گی۔

Related Articles

Back to top button