سابق عالمی چیمپیئن جان شیر خان نظر آئے گے نئے فارم میں، کے پی حکومت نے خدمات حاصل کر لیں

خیبرپختونخوا حکومت نے سابق عالمی چیمپیئن جان شیر خان کی خدمات حاصل کر لیں۔

پشاور میں ڈی جی کھیل خیبرپختونخوا اسفند یار خٹک نے میڈیا سے گفتگو کرتے ہوئے کہا کہ صوبائی حکومت نے سابق عالمی چیمپیئن جان شیرخان کی خدمات حاصل کر لیں۔

انہوں نے کہا کہ ہر تعلیمی ادارے میں اسکوائش کورٹ کا قیام اور کوچ ہوگا۔ ڈی جی کھیل کے پی کے نے بتایا کہ 8 اسکواش کلب تکمیل کے آخری مراحل میں ہے۔

اسفند یار خٹک کا کہنا تھا کہ ریلوے سے زمین کی لیز کے حصول کے لیے بات چیت ہو رہی ہے،زمین پر 9 اسکواش، جیم اور سوئمنگ پول تعمیر ہوں گے۔

ڈی جی کھیل خیبرپختونخوا نے کہا کہ حیات آباد اسپورٹس کمپلیکس کی اپ گریڈیشن پر کام جاری ہے۔انہوں نے بتایا کہ اگلے ستمبر تک ارباب نیاز کرکٹ اسٹیڈیم کی تعمیر مکمل ہوگی۔

پی ایس ایل کے حوالے سے اسفند یار خٹک کا کہنا تھا کہ حکومت کی خواہش تھی کہ پاکستان سپر لیگ کے میچز کا انعقاد پشاور میں ہو۔

اس خبر پر اپنی رائے کا اظہار کریں