افراتفری پھیلا نےکی کوشش کرنے والے ملک وقوم کے خیرخواہ نہیں: وزیراعلیٰ پنجاب

وزیراعلیٰ پنجاب سردار عثمان بزدار کا کہنا ہے کہ عوام کے مسائل کے حل کے لیے دن رات ایک کئے ہوئے ہیں۔

تفصیلات کے مطابق وزیراعلیٰ پنجاب عثمان بزدار سے صوبائی وزیر محنت انصر مجید ،غلام بی بی بھروانہ نے ملاقات کی اس موقع پر وزیراعلیٰ پنجاب کا کہنا تھا کہ افراتفری پھیلانےکی کوشش کرنے والے ملک وقوم کے خیرخواہ نہیں۔

عثمان بزدار نے کہا کہ انتشارکی سیاست کرنے والے کبھی کامیاب نہیں ہوں گے،تنقید برائےتنقیدکرنے والے عناصر ہر موقع پر ناکام رہے ہیں، ایسے عناصرصوبے کی ترقی کے دشمن ہیں۔

وزیراعلیٰ پنجاب کا مزید کہنا تھا کہ عوام کے مسائل کے حل کے لیے دن رات ایک کئے ہوئے ہیں۔

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ بلدیاتی اداروں کو بہتر بنا کر ترقی کو عوام کی دہلیز تک لے جائیں گے۔

انہوں نے کہا تھا کہ پنجاب حکومت نے لوکل گورنمنٹس کے منجمد فنڈ بحال کر دیے ہیں،پنجاب کے ہر شہر اورگاؤں میں ترقی کا نیا دورشروع ہوگا،فنڈ کے استعمال میں شفافیت کو ہر صورت یقینی بنائیں گے۔

اس خبر پر اپنی رائے کا اظہار کریں