فریگیٹ جہاز کی تیاری پاک چین دفاعی تعاون کا درخشاں باب ہے: کموڈور اظفر

تفصیلات کے مطابق ترجمان پاک بحریہ کا کہنا ہے کہ پاک بحریہ کے لیے چین میں تیار 054 فریگیٹ جہاز کی لانچنگ کی تقریب منعقد ہوئی، تقریب کا اہتمام ہڈونگ ژونگواشپ یارڈ چین میں کیا گیا۔

ترجمان کے مطابق پاک بحریہ کے کموڈوراظفر ہمایوں تقریب کے مہمان خصوصی تھے، جہاز ہر قسم کے جدیدٹیکنالوجی، جنگی آلات، اسلحے اور سینسرز سے لیس ہوگا، پاک بحریہ کے بیڑے میں جہاز کی شمولیت سے امن برقرار رکھنے کی کاوشوں میں بہتری آئے گی اور پاک چین تعلقات مزید مضبوط ہوں گے۔

تقریب سے خطاب کرتے ہوئے مہمان خصوصی اظفر ہمایوں کا کہنا تھا کہ فریگیٹ جہاز کی تیاری پاک چین دفاعی تعاون کادرخشاں باب ہے، وبائی صورتحال کےباوجود پراجیکٹ کی بروقت تکمیل پیشہ ورانہ صلاحیتوں کاثبوت ہے۔

خصوصی تقریب میں چائناشپ بلڈنگ ٹریڈنگ کمپنی کے چیئرمین ودیگرحکام بھی شریک ہوئے۔