جائیداد کا تنازع، سنگ دل بیٹے کے ہاتھوں باپ قتل

ناخلف بیٹے نے ماں پر تشدد کرنے والے باپ کو فائرنگ کرکے قتل کردیا،پولیس نے آلہ قتل سمیت ملزم کو گرفتار کرلیا۔

باپ پر فائرنگ کا یہ افسوس واقعہ صوبہ پنجاب کے شہر اوکاڑہ کے علاقے حجرہ شاہ مقیم میں پیش آیا جہاں بدبخت بیٹے نے اپنے ہی باپ کو موت کے گھاٹ اتار دیا۔

اوکاڑہ میں بیٹے کے ہاتھوں باپ کے قتل کا واقعہ گزشتہ روز پیش آیا، پولیس نے مقتول کی شناخت 55 سالہ سخی محمد کے نام سے کی ہے، جس کی نعش پولیس نے قبضے میں لیکر پوسٹ مارٹم کےلیے بھیج دی ہے۔

ؤپولیس نے باپ کی نعش قبضے میں لینے بعد قاتل جواں سالہ بیٹے کو بھی آلہ قتل کے ساتھ حراست میں لےلیا ہے۔

مقتول کے ورثاء نے کارروائی کیلئے تحریری درخواست تھانہ حجرہ شاہ مقیم میں واقعہ کے 10 گھنٹے بعد جمع کرادی۔

جائیداد کا تنازع، سنگ دل بیٹے کے ہاتھوں باپ قتل

ملزم کے مطابق میرا باپ پلمبر تھا جو میری ماں اور بہن بھائیوں پر تشدد کرتا اور گھر میں خرچ بھی نہیں دیتا تھا، جس کے باعث اسے موت کی نیند سلا دیا۔

اس خبر پر اپنی رائے کا اظہار کریں