پاکستانی خبریں

بے قابو عالمی وبا کو روکنے کے لیے پشاور میں مزید دو علاقوں میں اسمارٹ لاک ڈاؤن

عالمی وبا قرار دیے جانے والے کورونا وائرس کو مزید پھیلنے سے روکنے کے لیے درمنگی گارڈن اورایگزیکٹولاجز ورسک روڈ میں اسمارٹ لاک ڈاؤن لگانے کا فیصلہ کیا گیا ہے۔

اس ضمن میں باقاعدہ نوٹی فکیشن جاری کردیا گیا ہے۔ اسمارٹ لاک ڈاؤن کا اطلاق آج سہ پہر چار بجے سے ہو گا۔

ڈپٹی کمشنرپشاور محمدعلی اصغرکے مطابق مذکورہ علاقوں میں اسمارٹ لاک ڈاؤن کے نفاذ کا فیصلہ کورونا کیسز میں اضافے کے باعث کیا گیا ہے۔

ڈی سی پشاور نے واضح کیا ہے کہ اسمارٹ لاک ڈاؤن کے دوران ان علاقوں میں نہ تو کسی کو داخلے کی اجازت ہو گی اورنہ ہی کسی کو باہر جانے دیا جائے گا۔

ڈی سی پشاورکے مطابق ادویات کی خریداری کے لیے فارمیسیز کھلی ہوئی ہوں گی جب کہ جنرل اسٹورز، تندور اورایمرجنسی سے متعلقہ دکانوں پر بھی اسمارٹ لاک ڈاؤن کے قوانین کا اطلاق نہیں ہو گا۔

ڈی سی پشاور کی جانب سے اسمارٹ لاک ڈاؤن پر عمل درآمد یقینی بنانے سے متعلق تمام ہدایات جاری کردی گئی ہیں۔

ڈی سی پشاور نے واضح کیا ہے کہ اسمارٹ لاک ڈاؤن کی خلاف ورزی کرنے والے افراد کے خلاف قوانین کے مطابق کارروائی کی جائے گی۔

Related Articles

Back to top button