کراچی میں جولائی کے مہینے میں گرمی کا 38 سالہ ریکارڈ ٹوٹ گیا

کراچی میں آج گرمی کا 38 سالہ ریکارڈ ٹوٹا ہے اور پارہ دوپہر 3 بجے 42 ڈگری کو چھو گیا تھا۔ درجہ حرارت مزید بڑھنے پر 62 سالہ ریکارڈ بھی ٹوٹنے کا امکان ہے۔

محکمہ موسمیات کے مطابق 22جولائی 1982کو کراچی میں درجہ حرات 40 ڈگری سینٹی گریڈ ریکارڈ کیا گیا تھا، جولائی میں شہر کا درجہ حرارت مزید بڑھا تو گرمی کا 62 سالہ ریکارڈ بھی ٹوٹ سکتا ہے۔

اس سے قبل کراچی میں 3 جولائی 1958 کو درجہ حرارت 42.2 سینٹی گریڈ ریکارڈ کیا گیا تھا۔

گرمی کا ریکارڈ بننے کے بعد ہونے والی موسلا دھار بارش نے شہر کی فضا تبدیل کردی اور گرمی کی شدت کو کم کردیا۔