سابق وزیراعظم راجہ پرویز اشرف کیلئے اہم خبر، رینٹل پاور ریفرنس سے بری

احتساب عدالت نے پاکستان پیپلز پارٹی (پی پی پی) کے رہنما اور سابق وزیراعظم راجہ پرویز اشرف کو پیراں غائب ریفرنس میں بھی بری کر دیا۔

احتساب عدالت کے جج محمد بشیر نے پیراں غائب ریفرنس میں فیصلہ سناتے ہوئے راجہ پرویز اشرف سمیت 8 ملزمان کو بری کردیا۔

دیگر ملزمان میں اسماعیل قریشی، شاہد رفیع، شوکت ترین، طاہر بشارت چیمہ ،محمد سلیم عارف،چوہدری عبدالقدیر ،اقبال علی شاہ شامل ہیں۔

نیب نے پیراں گھیب رینٹل پاور ریفرنس میں ملزمان کی بریت کے خلاف اپیل دائر کرنے کا فیصلہ کرلیا۔

نیب راولپنڈی کی جانب سے 2014 میں پیراں غائب ریفرنس دائر کیا گیا تھا۔ 192 میگا واٹ کا رینٹل پاور پلانٹ ملتان کے علاقے پیراں غائب میں لگایا گیا تھا اور اس منصوبے میں راجہ پرویز اشرف پر بطور وزیر پانی و بجلی کرپشن اور اختیارات کے غلط استعمال کا الزام تھا۔

واضح رہے کہ راجہ پرویز اشرف کو سہو وال ریفرنس میں گزشتہ ہفتے بری کیا گیا تھا۔

اس خبر پر اپنی رائے کا اظہار کریں