پمزاسپتال انتظامیہ نے موت مشکل بنا دی، کینسر کا مریض انتقال کے بعد کورونا پازیٹو قرار دیدیا

شہر اقتدار کے بڑے اسپتال میں مرنا مشکل بنا دیا گیا، کینسر سے مرنے والے شخص کو کورونا مریض قرار دے دیا، لواحقین کے احتجاج پر اسپتال انتظامیہ نے ہتھیار ڈال دئیے۔

پمز اسپتال میں کشمیر کا شہری زندگی کی بازی ہار گیا، ڈاکٹروں نے لواحقین کی زندگی مشکل بنا دی۔

آزاد کشمیر سے تعلق رکھنے والا مظہر سلیم کینسر کے خلاف زندگی کی جنگ لڑتے ہوئے موت کے ہاتھوں ہار گیا ،ڈاکٹروں لوحقین کے علم میں لائے بغیر مرنے والے شخص کا کورونا سیمپل این آئی ایچ بھجوا دیا۔

قومی ادارہ صحت نے مرنے والے مظہر سلیم کا کورونا ٹیسٹ پازیٹو بتایا تو لواحقین نے پرائیویٹ لیب سے رجوع کیا،جہاں سے نیگٹو ٹیسٹ رپورٹ آگئی، اسپتال انتظامیہ نے لاش قبضہ میں لیکر لواحقین کو لال جھنڈی دکھا دی،لواحقین کے احتجاج کے بعد اسپتال انتظامیہ نے لاش حوالے کردی۔

اس خبر پر اپنی رائے کا اظہار کریں