شوگر انکوائری کمیشن کی تحقیقات میں ایک بارپھر تاخیر،مزید 4دن کی مہلت مانگ لی

ذرائع کے مطابق شوگر انکوائری کمیشن کی تحقیقات میں فرانزک کا عمل آخری مراحل میں ہے جسے آئندہ چند دنوں میں مکمل کر لیا جائے گا۔ اس سے پہلے چینی سبسڈی کے معاملے پر وزیراعلیٰ پنجاب عثمان بزدار، وفاقی وزیر اسد عمر، مشیر تجارت عبدالرزاق داؤد اور سابق وزیراعظم شاہد خاقان عباسی کمیشن کے سامنے پیش ہو چکے ہیں۔

یاد رہے کہ انکوائری کمیشن کی رپورٹ کے لیے 25 اپریل کی پہلی ڈیڈ لائن دی گئی تھی تاہم کمیشن استدعا پر کابینہ نے مدت میں توسیع کی جس کے بعد رپورٹ مئی کے تیسرے ہفتے میں آنی تھی، اب انکوائری کمیشن نے مزید مہلت مانگ لی ہے۔