پاکستانی خبریں

جاپان نے کورونا وائرس سے نمٹنے کیلئے پاکستان کو بڑی امداد کا اعلان کر دیا

جاپان نے کورونا وائرس سے نمٹنے کے لیے پاکستان کو 20 لاکھ ڈالر امداد فراہم کردی۔

وفاقی وزیر برائے اقتصادی امور حماد اظہر نے ٹوئٹ کرتے ہوئے کہا کہ حکومت جاپان نے کورونا وائرس سے نمٹنے کیلئے پاکستان کو 20 لاکھ ڈالرگرانٹ فراہم کردی ہے۔

حماد اظہر نے امداد فراہم کرنے پرجاپانی حکومت کا شکریہ ادا کرتے ہوئے کہا کہ یہ امداد اقوام متحدہ کے فنڈ برائے اطفال (یونیسف) اور مہاجرین کے عالمی ادارے (آئی او ایم) کے زریعے کورونا وائرس سے پیدا صورتحال سے نمٹنے کیلئے دی جارہی ہے۔

حماد اظہر کا کہنا تھا کہ جاپان نے اڑھائی ارب روپے کی اضافی گرانٹ بھی مختص کی ہے جو پاکستان میں جاپانی تعاون سے صحت منصوبوں پرخرچ نہ ہونیوالی گرانٹ سے مختص کی گئی ہے۔

Related Articles

Back to top button