پاکستانی خبریں

وزیر اعظم کا آج دورہِ کراچی، مراد علی شاہ نے کیوں کی معذرت؟ سیاسی میدان میں ہلچل مچ گئی

پاکستان تحریکِ انصاف کے رہنما اور گورنر سندھ عمران اسماعیل نے کہا ہے کہ وزیر اعظم عمران خان آج کراچی کے دورے پر آ رہے ہیں۔

وزیر اعظم پاکستان آج مختصر دورے پر سہ پہر 3 بجے کراچی پہنچیں گے، وزیر اعظم گورنر ہاؤس میں ارکان قومی اسمبلی سے ملاقات کریں گے، وفاقی وزیر اسد عمر کے بیٹے کی شادی میں شرکت کر کے 10 بجے اسلام آباد روانہ ہو جائیں گے۔

گزشتہ روز گورنر سندھ عمران اسماعیل نے فیڈریشن آف چیمبر آف کامرس اینڈ انڈسٹری کے سالانہ انتخابی مہم کے عشائیے میں صنعت کاروں سے خطاب میں کہا کہ وزیر اعظم کے دورے میں کراچی کے مسائل پر بھی بات ہوگی۔

انھوں نے کہا کہ اچھی خبر ہے کہ پاکستان میں ایک سال میں معاشی لحاظ سے بہتری آئی ہے، آئی ایم ایف اور ورلڈ بینک کا اعتماد بحال ہو رہا ہے، ورلڈ بینک نے پاکستان کی پوزیشن بہتر کر دی ہے، ایف بی آر کی اصلاحات اور ٹیکس نظام میں بہتری سمیت اہم مسائل میں بزنس کمیونٹی موجود ہوتی ہے، بزنس کمیونٹی ہم پر اعتماد کرے اور ہماری مدد کرے۔

دریں اثنا، وزیر اعظم عمران خان کے کراچی دورے کے موقع پر ان کے استقبال کے لیے وزیر اعلیٰ سندھ مراد علی شاہ نے ایئر پورٹ جانے سے معذرت کر لی ہے، کہا ہے کہ وہ بے نظیر بھٹو کی برسی کے سلسلے میں مصروف ہیں۔

 

Related Articles

Back to top button