پاکستانی خبریں

وزیر صحت کو عہدے سے ہٹا دیا گیا، تہلکہ خیز انکشاف سامنے آ گیا

بلوچستان کے وزیربرائے صحت نصیب اللہ مری سے قلمدان واپس لے لیا گیا ہے۔

قلمدان کی واپسی کا نوٹیفیکیشن وزیراعلیٰ بلوچستان جام کمال کی جانب سے جاری کیا گیا تاہم ان کو عہدے سے ہٹائے جانے کی وجہ اب تک سامنے نہیں آئی۔

وزارت واپس لیے جانے پر میر نصیب اللہ مری کا کہنا تھا کہ مجھے وزارت مرکزی قیادت کے مشاورت سے دی گئی تھی آج اس حوالے سے اعلیٰ حکام سے بات کروں گا۔

سابق وزیر صحت نے کہا کہ میں نے قلیل مدت میں صوبے کے عوام کو صحت کے بنیادی سہولیات فراہم کی ہیں۔
حکام کا کہنا ہے کہ میر نصیب اللہ مری سے قلمدان واپس لیے جانے کے بعد اب وزارت صحت کے معاملات وزیر اعلیٰ بلوچستان جام کمال خان خود دیکھیں گے۔

خیال رہے کہ اس سے قبل پاکستان تحریک انصاف (پی ٹی آئی) کے مبین خلجی پارلیمانی سیکرٹری کے عہدے سے مستفعی ہوئے تھے۔

Related Articles

Back to top button