وزیراعظم عمران خان دیگر ٹیکنالوجی پارکس بنانے کیلئے پر عزم: فردوس آشق اعوان
معاون خصوصی برائے اطلاعات و نشریات فردوس عاشق اعوان کا ٹوئٹ میں کہنا تھا کہ وزیراعظم عمران خان ملک کی دیگر درسگاہوں میں بھی ٹیکنالوجی پارکس بنانے کے لیے پرعزم ہیں۔ جدید دور میں ٹیکنالوجی کی اہمیت سے انکار نہیں کیا جا سکتا۔ انسانی زندگی کا کوئی شعبہ ٹیکنالوجی کے بغیر مکمل نہیں۔
وزیراعظم عمران خان ملک کی دیگر درسگاہوں میں بھی ٹیکنالوجی پارکس بنانے کے لیے پرعزم ہیں۔جدید دور میں ٹیکنالوجی کی اہمیت سے انکار نہیں کیاجاسکتا، انسانی زندگی کا کوئی شعبہ ٹیکنالوجی کے بغیر مکمل نہیں۔
2/1— Firdous Ashiq Awan (@Dr_FirdousPTI) December 10, 2019
معاون خصوصی کا کہنا تھا کہ نسٹ کے اس منصوبے سے ڈیجیٹل اکانومی کو تقویت اور تحقیق و ترقی کو فروغ حاصل ہوگا۔ ان کا کہنا تھا کہ وزیراعظم عمران خان کا نسٹ میں پاکستان کے پہلے خصوصی ٹیکنالوجی زون اور پارک کا افتتاح نئے پاکستان میں شعبہ ٹیکنالوجی کو دی جانے والی خصوصی اہمیت کا مظہر ہے۔
نسٹ کا یہ منصوبہ ایکیڈیمیا اور صنعت کے مابین پل کا کردار ادا کرے گا۔ڈیجیٹل اکانومی کو تقویت اور تحقیق و ترقی کو فروغ حاصل ہوگا۔
2/2— Firdous Ashiq Awan (@Dr_FirdousPTI) December 10, 2019
فردوس عاشق اعوان کا ٹویٹ میں مزید کہنا تھا کہ یہ منصوبہ علم پر مبنی معیشت کے فروغ کی جانب اہم قدم ثابت ہوگا۔ تخلیقی ذہنوں کو مل کر بیٹھنے کا پلیٹ فارم مہیا کرے گا اور ٹیکنالوجی پر مبنی معیشت کی ترقی کے لیے عملی اقدامات اٹھانے کے مواقع پیدا کرے گا۔
