12

وزیراعظم عمران خان اور وزیر اعلیٰ سندھ سید مراد علی شاہ کے سانحہ اردن پر پیغامات

وزیراعظم عمران خان اور وزیر اعلیٰ سندھ سید مراد علی شاہ نے اپنے الگ الگ پیغامات میں سانحہ اردن میں تیرہ پاکستانیوں کی ہلاکت پر افسوس کا اظہار کیا ہے۔

وزیر اعظم نے اردن میں پاکستانی سفیر کو غمزدہ خاندان سے رابطے میں رہنے کی ہدایت کر دی۔ وزیراعظم عمران خان نے غمزدہ خاندان سے اظہار تعزیت کرتے ہوئے کہا ہے کہ مشکل کی گھڑی میں افسردہ خاندانوں سے تعاون کریں گے۔ وزیراعظم نے پاکستانی مشن سے تعاون کرنے پر اردن کی اتھارٹی کا بھی شکریہ ادا کیا۔ انھوں نے دفتر خارجہ اور سفیر پاکستان کو غمزدہ خاندانوں کے ساتھ رابطے میں رہنے کی ہدایت بھی کی۔

ادھر وزیراعلیٰ سندھ سید مراد علی شاہ نے بھی غمزدہ خاندانوں سے اظہار تعزیت کرتے ہوئے ڈی سی دادو کو متاثرہ خاندان کے ورثا سے رابطے میں رہنے کی ہدایت کی ہے۔ انھوں نے چیف سیکرٹری کو بھی دفتر خارجہ سے رابطہ کر کے معلومات لینے اور متاثرہ خاندان کے ورثا جاں بحق افراد کی میتیں واپس لانا چاہیں تو اُن کی مدد کرنے کی ہدایت کی۔

اس خبر پر اپنی رائے کا اظہار کریں