وزیر اعظم عمران خان کی ہدایات، کیا کوئی نیا ٹیکس لگنے والا ہے؟ پریشان کن خبر آگئی

وزیر اعظم عمران خان نے کہا کہ ٹیکس کی ادائیگی قومی فریضہ ہے ، حکومت کی کوشش ہے کہ ٹیکس کے نظام کو شفاف بنایا جائے ، عوام کو بہتر سہولیات دینے کیلئے ٹیکس نیٹ میں اضافہ کیا جائے ۔

ذرائع کے مطابق وزیر اعظم عمران خان سے چیئر مین ایف بی آر اور چیئر مین نادرا نے ملاقات کی ، اس موقع پر وزیر اعظم کا کہناتھا کہ ٹیکس کی ادائیگی قومی فریضہ ہے ، حکومت کی کوشش ہے کہ ٹیکس کے نظام کو شفاف بنایا جائے ۔ انہوں نے کہا کہ ہر محب وطن شہری ملک کی تعمیر وترقی کے لئے اپنا کردار ادا کرے ۔ ان کا کہناتھا کہ ٹیکس نیٹ میں اضافے سے اضافی ٹیکسوں کا بوجھ کم ہوگا، ٹیکس دہند گان کا اعتماد بحال ہونانہایت ضرور ی ہے ۔ وزیر اعظم نے کہا کہ عوام کو بہتر سہولیات دینے کیلئے ٹیکس نیٹ بڑھایا جائے ، اس سے دور دراز علاقوں میں تعلیم اورصحت کی فراہمی یقینی بنائی جاسکے گی ۔

دریں اثنا ءوزیراعظم عمران خان سے مفتی تقی عثمانی نے ملاقات کی ۔مفتی تقی عثمانی کی وزیراعظم سے ملاقات گورنرسندھ عمران اسماعیل نے کر ائی ۔ مفتی تقی عثمانی پرحملے کے بعدوزیراعظم سے یہ ان کی پہلی ملاقات ہے۔