فیصل آباد میں فیسکو نے ایک محنت کش کو کتنا بل بھیج دیا؟ جان کر آپ بھی اپنے ہوش کھو بیٹھیں گے

محنت کش کو اکتالیس یونٹ استعمال پر ایک کروڑ 13 لاکھ روپے کا بجلی کا بل بھیج دیا گیا، بل دیکھ کر محنت کش کے ہوش اڑ گئے۔

فیسکو کی غفلت اور لاپرواہی کی وجہ سے اس سے قبل بھی متعدد بار شہریوں کو کروڑوں روپے مالیت کے بِلز بھیجے جا چکے ہیں۔ اس کے باوجود حکام سسٹم کی بہتری کیلئے اقدامات اُٹھانے سے گریزاں ہیں۔

فیصل آباد کے علاقے جھنگ روڈ پر 66 دھاندرہ کے رہائشی محنت کش ذوالفقار کو صرف 41 یونٹس کا بِل 1 کروڑ 13 لاکھ 18 ہزار روپے بھیج دیا گیا۔ کروڑ روپے سے زائد کا بِل پا کر محنت کش ذوالفقار چکرا کر رہ گیا۔

محنت کش ذوالفقار کا کہنا ہے کہ محنت مزدوری کرکے دو وقت کی روٹی کا بمشکل انتظام کرتا ہے ، ایسے میں ایک کروڑ 13 لاکھ اور 18 ہزار روپے کا بِل ادا کرنا کسی صورت ممکن نہیں ہے۔