زرتاج گل نے زہریلی لسی کے بارے میں ایک انوکھا دعویٰ کر کے ن لیگ کے رہنماوں کو کیسے اشتعال دلا دیا؟ جانیے اس خبر میں

زرتاج گل نے کہا کہ ہم نے مال روڈ پر نابینا افراد پرڈنڈے نہیں چلائے اور کسانوں پر تشدد نہیں کیا ۔ انہوں نے کہا کہ کسانوں نے جب ن لیگ کے دور میں آلو کے کھیتوں کو آگ لگائی تھی اور جس طرح ینگ ڈاکٹر ز پر تشدد کیا گیا تھا لگتا تھا کہ یہ کوئی غزہ کی پٹی ہے۔

زرتاج گل کا کہنا تھا کہ ن لیگ کے دور حکومت میں جنوبی پنجاب میں کوئی ایک منصوبہ بھی نہیں لگایا گیا ، ن لیگ نے 270ارب روپے لاہور کے اندر جھونک دیئے ، بہاولپور میں 125بچے ہسپتال میں آکسیجن نہ ملنے کی وجہ سے مرگئے ، لیہ میں 35افراد زہریلی لسی پینے کی وجہ سے مر گئے تھے۔

انہوں نے کہا کہ غریب کے بارے میں بات کرتے ہوئے ن لیگ کو یہ احسا س ہوناچاہئے کہ یہ کیا بات کررہے ہیں ؟ پچھلے پانچ سالوں میں سب سے زیادہ خود کشیاں لوگوں نے ن لیگ کے دور حکومت میں کی ہیں۔