میری تقریر کے الفاظ کو سیاق و سباق سے ہٹ کر پیش کیا گیا، فردوس عاشق کی اپنے ہی بیان پر وضاحت

وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ اسلام آباد میں میری تقریر کے الفاظ کو سیاق و سباق سے ہٹ کر پیش کیا گیا۔

سوشل میڈیا صارفین کی بڑی تعداد نے فردوس عاشق اعوان کی ایک ویڈیو فیس بک اور ٹویٹر پر شیئر کی ہے جس میں وہ زلزلے کو بھی تبدیلی کی نشانی قرار دے رہی تھیں۔

سوشل میڈیا پر کڑی تنقید کے بعد اپنے بیان پر معافی مانگتے ہوئے وزیراعظم کی معاون خصوصی برائے اطلاعات کا کہنا تھا کہ میری گفتگو کو سیاق و سباق سے ہٹ کر پیش کرنا افسوسناک ہے، سوشل میڈیا کے معاشرے پر اثرات کے تناظر میں بات ہو رہی تھی، اچانک زلزلہ آیا، شرکائے محفل پریشان ہوگئے، حاضرین محفل کا حوصلہ بڑھانے کیلئے سوشل میڈیا کے تناظر میں ہی جملے کہے، جسے غلط رنگ دے کر عوام کو گمراہ کرنے کی افسوسناک کوشش کی جا رہی ہے۔

 

اس خبر پر اپنی رائے کا اظہار کریں