نواز شریف کا اچانک بڑا فیصلہ، پاکستان کے سیاسی منظر نامے پر ہلچل، تفصیل جانیے اس خبر میں

پاکستان مسلم لیگ (ن) کے قائد میاں نواز شریف نے جج ویڈیو اسکینڈل میں سپریم کورٹ سے رجوع کرلیا۔

ذرائع کے مطابق سابق وزیراعظم میاں نواز شریف نے احتساب عدالت کے سابق جج ارشد ملک کے ویڈیو اسکینڈل میں بذریعہ وکیل سپریم کورٹ سے رجوع کیا ہے۔

اس حوالے سے سپریم کورٹ کے جاری کردہ فیصلے پر نظرثانی درخواست دائر کرنے کی آج آخری تاریخ تھی۔
واضح رہے کہ سپریم کورٹ نے 23 اگست 2019 کو جج ویڈیو اسکینڈل کیس کا فیصلہ سنایا تھا۔

عدالت عظمیٰ کے فیصلے میں کہا گیا ہے کہ جج ارشد ملک کے کردار سے ملک بھر کی عدلیہ کی بدنامی ہوئی، ٹرائل کے دوران جج ملزمان سے ہمدردی رکھنے والوں سے ملتا رہا، جج ارشد ملک نے بلیک میل ہونے کے حوالے سے کسی اعلیٰ اتھارٹی کو نہیں بتایا۔

جج ارشد ملک نے نہ ہی خود کو ٹرائل سے الگ کیا، جج کے اعتراف سے ہمیں شدید دھچکہ پہنچا اور ججز کے سر شرم سے جھک گئے۔

سپریم کورٹ نے احتساب عدالت کے جج ارشد ملک کی مبینہ ویڈیو سے متعلق کیس میں تحقیقات کے لیے کمیشن بنانے کی استدعا بھی مسترد کر دی تھی۔

اس خبر پر اپنی رائے کا اظہار کریں