پاکستانی خبریں

امن و امان کی صورتحال کو سبوتاژ کرنے کی ہرکوشش ناکام بنایا جائے گا: وزیر اعظم

نگراں وزیراعظم انوار الحق کاکڑ نے بلوچستان کے ضلع پشین کے علاقے خانوزئی اور قلعہ سیف اللہ میں دھماکوں کی مذمت کرتے ہوئے کہا ہے کہ امن و امان کی صورتحال کو سبوتاژ کرنے کی ہر کوشش کو ناکام بنایا جائے گا۔

ان واقعات سے متعلق اپنے بیان میں نگراں وزیراعظم انوار الحق کاکڑ نے کہا ہے کہ امن و امان کی صورتحال کو سبوتاژ کرنے کی ہر کوشش کو ناکام بنایا جائے گا۔

نگراں وزیراعظم انوار الحق کاکڑ نے کہا ہے کہ حکومت عام انتخابات کے پُرامن انعقاد کے لیے پُرعزم ہے۔ نگراں وزیراعظم نے دھماکوں کے نتیجے میں قیمتی جانوں کے ضیاع پر افسوس کا اظہار بھی کیا ہے۔

انہوں نے زخمیوں کو فوری طبی امداد فراہم کرنے کی ہدایات دی ہیں اور چیف سیکریٹری بلوچستان سے واقعات کی رپورٹ طلب کرلی ہے۔

علاوہ ازیں وزیرِ داخلہ گوہر اعجاز نے بھی قلعہ سیف اللہ میں جے یو آئی ف کے دفتر کے باہر دھماکے کی شدید مذمت کرتے ہوئے قیمتی جانوں کے نقصان پر گہرے دکھ اور افسوس کا اظہار کیا ہے۔

انہوں نے کہا ہے کہ شہدا کے اہلِ خانہ کے غم میں برابر کے شریک ہیں، الیکشن سے پہلے شرپسند افرا تفری پھیلانا چاہتے ہیں، شرپسند عوام کو اپنے حق رائے دہی کے استعمال سے روکنا چاہتے ہیں۔

یہ بھی پڑھیں: بلوچستان کے دو اضلاع میں دھماکے، 23 افراد جاں بحق

گوہر اعجاز کا کہنا ہے کہ دشمن کے مذموم عزائم کو کسی قیمت پر کامیاب نہیں ہونے دیں گے، دہشت گردوں کا نہتے شہریوں پر وار انتہائی بزدلانہ فعل ہے۔

Related Articles

Back to top button