بلاآخراہم معاملہ، عالمی عدالت تک پہنچ گیا

امریکی کانگریس کی ایشیاسب کمیٹی نے کشمیر میں بھارتی مظالم کانوٹس لے لیا ہے۔ امریکی کانگریس کی ایشیا سب کمیٹی مقبوضہ کشمیر میں بھارتی مظالم کی جلد سماعت کریگی۔ امریکی کانگریس کی امور خارجہ کمیٹی میں تاریخ میں پہلی بار مسئلہ کشمیر اٹھایا جائے گا۔

ذیلی کمیٹی جنوبی ایشیا میں انسانی حقوق کی صورتحال پرسماعت کرے گی، سب کمیٹی مقبوضہ وادی میں گرفتاریوں، انٹرنیٹ، فون کی بندش اور انسانی حقوق کی پامالی کو زیربحث لائےگی۔

امریکی رکن کانگرس براڈ شرمین کا کہنا ہے کہ گزشتہ ہفتے امریکی نژاد کشمیریوں سے لاک ڈاؤن سے متعلق حالات سنے، امریکن کشمیری اپنے پیاروں کے بارے میں سخت فکرمند ہیں، مقبوضہ وادی میں انسانی حقوق سے متعلق مزید جاننے کا منتظر ہوں۔