بین الاقوامی

سائبیریا میں لاپتہ ہونے والا روسی مسافر(اے این 28) طیارہ مل گیا

روس کا سائبیریا میں لاپتہ ہونے والا مسافر بردار طیارہ اے این 28 مل گیا، طیارے میں سوار تمام 17 مسافر زندہ بچ گئے ہیں۔

غیر ملکی خبر رساں ادارے کی رپورٹ کے مطابق دوران پرواز لاپتہ ہونے والا طیارہ سائبیریا کے علاقے ٹومسک سے ملا ہے۔

اس سے قبل روس کی وزارت برائے ایمرجنسی نے جاری بیان میں کہا تھا کہ طیارے کی ’ہارڈ لینڈنگ‘ کے مقام کا پتا لگا لیا گیا ہے، جبکہ حادثے میں زندہ بچ جانے والوں کو بھی دیکھا گیا ہے۔

شام میں روسی فوجی طیارہ گر کر تباہ، 39 افراد ہلاک

خیال رہے کہ اس مسافر طیارے کے حوالے سے خبر آئی تھی کہ جمعے کے روز اے این 28 دوران پرواز سائبیریا کے علاقے ٹومسک میں لاپتہ ہو گیا ہے۔

یاد رہے کہ رواں ماہ کے شروع میں بھی روسی مسافر طیارہ اے این 26 گر کر تباہ ہو گیا تھا جس میں سوار تمام 28 افراد ہلاک ہو گئے تھے۔

اینٹونوف طیارے سوویت یونین کے دور میں تیار کیے گئے تھے جو اب بھی سیویلین اور فوج کے زیراستعمال ہیں۔ گزشتہ چند عرصے میں اینٹونوف طیاروں کے کئی حادثے پیش آ چکے ہیں۔

Related Articles

Back to top button