بین الاقوامی

قندھار میں قائم بھارتی قونصل خانہ بند، عملہ بھی واپس بلا لیا گیا

افغانستان کے دوسرے بڑے شہر قندھار میں قائم بھارتی قونصل خانہ بند کر دیا گیا ہے اور عملے کو بھی واپس بلا لیا گیا ہے۔

وزارت خارجہ نے افغانستان میں شدید لڑائی کے باعث قندھار قونصل خانے کے بھارتی عملے کو واپس بلا لیا ہے۔

افغان طالبان کی قندھار کے اطراف پیش قدمی بھی جاری ہے اور مطابق افغان حکومت کو قندھار کے اطراف طالبان کی طرف سے شدید دباؤ کا سامنا ہے۔

افغان طالبان نے جمعہ کو قندھار کے اطراف مختلف چیک پوسٹوں پر قبضہ کر لیا تھا، صوبے میں افغان طالبان پہلے ہی بڑے علاقے پر کنٹرول سنبھال چکے ہیں۔

دوسری جانب ترجمان بھارتی وزارت خارجہ ارندام باغچی کا کہنا ہے کہ عملے کی واپسی حالات کے بہتر ہونے تک ایک وقتی اقدام ہے تاہم قندھار قونصل خانے کا مقامی عملہ کام کرتا رہےگا۔

خیال رہے گزشتہ روز ترجمان پاک فوج لیفٹیننٹ جنرل بابر افتخار نے اپنے ایک بیان میں کہا تھا کہ افغانستان میں بھارتی سرمایہ کاری ڈوبتی نظر آ رہی ہے جبکہ طالبان افغانستان کے 85 فیصد حصے پر کنٹرول کا دعویٰ کر چکے ہیں۔

Related Articles

Back to top button