بین الاقوامی

امریکی صدر جوبائیڈن کا ٹک ٹاک اور وی چیٹ پر پابندی سے متعلق فیصلہ واپس

امریکی صدر جوبائیڈن نے چینی ایپلکیشنز ٹک ٹاک اور وی چیٹ پر پابندی کا فیصلہ واپس لے لیا۔

امریکا کے سابق صدر ڈونلڈ ٹرمپ نے ٹک ٹاک سمیت دیگر چینی ایپس کو ملک کے لیے خطرناک قرار دے کر پابندی عائد کردی تھی۔

سابق دورہ حکومت میں اٹھایا گیا اقدام جوبائیڈن نے مسترد کردیا، امریکا میں ٹک ٹاک اور وی چیٹ پر پابندی کا فیصلہ واپس لے لیا گیا۔ چین نے ٹک ٹاک پر عائد پابندی ہٹانے کے فیصلے کو خوش آئند اور درست قدم قرار دیتے ہوئے کہا کہ اس کے مستقبل میں مثبت نتائج سامنے آئیں گے۔

خیال رہے کہ سابق صدر ڈونلڈ ٹرمپ نے قومی سلامتی کے لیے خطرہ بتاتے ہوئے ان پر پابندی عائد کرنے کے لیے حکم نامہ جاری کیا تھا۔ ان کا کہنا تھا کہ چینی حکام ایپس کے ذریعے ڈیٹا حاصل کرسکتی ہے۔

واضح رہے امریکی صدر جو بائیڈن نے اقتدار میں آنے کے بعد چینی موبائل ایپ ٹک ٹاک اور وی چیٹ پر پابندی عائد کرنے کی قانونی کارروائی روک دی تھی اور اب پابندی کا فیصلہ واپس لے لیا گیا ہے۔

امریکی صدر جوبائیڈن کے حالیہ فیصلے کا مطلب یہ ہے کہ دونوں کمپنیاں امریکا میں اپنا کاروبار جاری رکھ سکتی ہیں۔

Related Articles

Back to top button