بین الاقوامی

مودی سرکار نے عوام کو بڑا جھٹکا دینے کی تیاری کرلی

بھارتی کی مودی سرکار نے عوام کو بڑا جھٹکا دینے کی تیاری کرلی، بنیادی ضروریات کی اشیاء سمیت گھریلو اشیاء کی قیمتوں میں ہوشربا اضافہ کردیا گیا۔

بھارت میں کورونا بحران اور مودی سرکار کی ناقص پالیسیوں کے سبب عوام معاشی پریشانیوں کا پہلے ہی سے سامنا کر رہے ہیں لیکن اب ان کی مشکلات میں مزید اضافہ دیکھنے میں آرہا ہے۔

عام آدمی کو جلد ہی مہنگائی کا ایک زبردست جھٹکا لگنے والا ہے،کھانے پینے کی اشیاء پہلے ہی مہنگی ہو رہی ہیں اور ڈیزل پٹرول کی قیمت تو تقریباً تمام ریکارڈ توڑ چکی ہیں اور اب کہا جا رہا ہے کہ اے سی، فریج، واشنگ مشین جیسے سامان کی قیمتیں بڑھنے والی ہیں۔

بھارتی میڈیا کے مطابق ایک اکنامک رپورٹ میں کہا گیا ہے کہ کمیوڈیٹی کی قیمتیں بڑھنے کے سبب جولائی 2021 سے کنزیومر ایپلائنسز 15-10فیصد تک مہنگے ہو سکتے ہیں۔

ایک طرف کورونا وائرس کی دوسری لہر کو قابو کرنے کے لیے کئی ریاستوں میں لاک ڈاؤن سے کنزیومر ڈیوریبل سمیت غیر ضروری چیزوں کی فروخت فی الحال بند ہے، تو دوسری طرف کموڈٹی کی قیمتوں میں اضافہ ہو رہا ہے۔

ہوم ایپلائنسز بنانے والی کمپنیوں نے کچھ کمپوننٹس کی کمی اور میٹل کے گلوبل پرائسز بڑھنے کے سبب فروری 2021 میں پروڈکٹس کی قیمتیں بڑھائی تھیں۔ اب لاک ڈاؤن کے سبب ان کمپنیوں کی فروخت بہت کم ہو گئی ہے۔

Related Articles

Back to top button