بین الاقوامی

بھارت میں آسمانی بجلی گرنے سے ایک شخص کی موت واقع

بھارتی صوبے مغربی بنگال میں غیر متوقع بارش کے دوران آسمانی بجلی گرنے سے ایک شخص کی موت واقع ہوگئی ہے۔

کولکتہ سمیت مغربی بنگال کے مختلف علاقوں اضلاع میں تیز ہواؤں کے ساتھ بارش کا سلسلہ جاری ہے، محکمہ موسمیات کے مطابق بارشوں کا سلسلہ آئندہ چند دنوں تک جاری رہنے کا امکان ہے۔

بارشوں کے دوران جنگی پور میں آسمانی بجلی گری، جس کے نتیجے میں ایک شخص کی موت واقع ہوئی جبکہ تیس سے زائد افراد زخمی ہوئے، مقامی پولیس کے مطابق واقعہ اس وقت پیش آیا جب گھر کے باہر کچھ افراد میدان میں بیٹھے بارش سے لطف اندوز ہورہے تھے کہ اسی دوران آسمانی بجلی گرنے سے ایک شخص کی موت ہوگئی۔

پولیس کے مطابق مرنے والے شخص کی شناخت منٹو شیخ نام کے نام سے ہوئی ہے جبکہ ان کے خاندان کے تقریباً 30 افراد زخمی ہوگئے ہیں. زخمیوں کو جنگی پور محکمہ اسپتال میں داخل کرایا گیا ہے۔

جنگی پور میونسپلٹی کے ایڈمنسٹریٹو بورڈ کے سربراہ ظہرالاسلام کا کہنا ہے کہ آسمانی بجلی گرنے کی زد میں آکر ہلاک ہونے والے منٹو شیخ کے اہل خانہ کو مالی مدد کی جائے گی، انہوں نے کہا کہ شدید طور پر زخمی ہونے والوں کو وزیراعلیٰ ممتا بنرجی کا منصوبہ گھر گھر راشن کے تحت کھانے پینے کا سامان دیا جائے گا۔

Related Articles

Back to top button