بین الاقوامی

طلاق کی دھمکی دینا شوہر کو مہنگا پڑ گیا, بیوی کا عدالت سے رجوع ، جانیے تفصیلات

سعودی عرب میں اہلیہ کو طلاق کی دھمکی دینا شوہر کو مہنگا پڑ گیا۔

سعودی عرب میں ایک خاتون نے اپنے شوہر کے خلاف عدالت میں مقدمہ دائر کرتے ہوئے کہا ہے کہ وہ ہر وقت طلاق کی دھمکی دیتا رہتا ہے۔

خاتون نے عدالت میں موقف اختیار کیا کہ ’طلاق کا لفظ شوہر کا تکیہ کلام بن چکا ہے، وہ ہر وقت کہتا رہتا ہے کہ میں تمہیں طلاق دے دوں گا۔‘

خاتون نے کہا کہ شوہر کو سمجھانے کے لیے والدین سے رابطہ کیا، والدین نے شوہر سے بات بھی مگر انہوں نے کہا کہ یہ میری ذاتی زندگی ہے۔

رپورٹ کے مطابق خاتون کا کہنا تھا کہ مجھے نہیں معلوم کہ وہ اتنی مرتبہ طلاق کی بات کرچکا ہے تو کیا اب تک میں اس کی بیوی بھی ہوں یا نہیں۔

خاتون کا کہنا ہے کہ انہوں نے مجبور ہوکر عدالت سے رجوع کیا تاکہ واضح ہو سکے کہ کیا طلاق ہوئی ہے یا نہیں۔

Related Articles

Back to top button