غیرملکی سیاحوں کے ویزوں میں ایک ماہ کی مفت توسیع، دبئی حکام نے اعلان جاری کر دیا

غیرملکی سیاحوں کے ویزوں میں ایک ماہ کی مفت توسیع، دبئی حکام نے اعلان جاری کر دیا

متحدہ عرب امارات کی ریاست دبئی کے وزیراعظم شیخ محمد بن راشد المکتوم کی ہدایت پر غیرملکی سیاحوں کے ویزوں میں ایک ماہ کی مفت توسیع کردی گئی۔

متحدہ عرب میں موجود سیاحوں کے لیے خوش خبری ہے کہ اب وہ اکتیس جنوری تک ریاست میں اپنے قیام کو بڑھا سکتے ہیں۔

دبئی کے وزیراعظم اور حکمران شیخ محمد بن راشد المکتوم کی ہدایت پر وزارتِ داخلہ نے ریاست میں موجود تمام غیرملکی سیاحوں کے ویزوں میں توسیع کردی۔

دبئی حکومت نے سیاحوں کو مشکلات سے بچانے اور اُن کے مسائل کو حل کرنے کے لیے ویزے میں توسیع کا فیصلہ کیا ہے۔

واضح رہے کہ سال نو کی آمد کے موقع پر دنیا بھر سے سیاح دبئی پہنچے تھے جہاں وہ برج الخلیفہ ، دی پام، دبئی فیسٹیول، گلوبل ولیج اور لامیر میں ہونے والی آتشبازی اور لیز لائٹ شو دیکھیں گے۔

دبئی میں غیرملکی سیاحوں کی بڑھتی ہوئی تعداد کے پیش نظر ہوٹلوں میں جگہ ختم جبکہ کمرے نایاب ہوگئے ہیں جس کی وجہ سے مالکان نے کمروں کے کرایوں میں کئی گنا اضافہ کردیا ہے۔

دبئی میں قائم 530 سے زائد ہوٹلوں میں 78 فیصد سیاحوں نے بکنگ کروائی ہے، تھری اسٹار اور فور اسٹار ہوٹلوں کے کرایوں میں بالترتیب 450 اور 775 فیصد اضافہ ہوا ہے۔

اس خبر پر اپنی رائے کا اظہار کریں