افغانستان میں دو بم دھماکوں میں متعدد افراد جاں بحق اور کئی زخمی

افغانستان میں دو بم دھماکوں میں متعدد افراد جاں بحق اور کئی زخمی

افغانستان میں امن عمل کی کوششوں کے باوجود پر تشدد واقعات رونما ہورہے ہیں، جس کے باعث معصوم قیمتی جانوں کا ضیاع ہورہا ہے۔

ایسا ہی واقعہ افغان صوبہ بامیان میں پیش آیا ، جہاں یکے بعد دیگرے دو بم دھماکوں میں کم از کم سترہ افراد جاں بحق جبکہ پچاس سے زائد زخمی ہوئے ہیں۔

مقامی میڈیا رپورٹ کے مطابق دھماکا بامیان شہر کے انتہائی مصروف انصاف بازار میں ہوا، دھماکے کے نتیجے میں سترہ افراد جاں بحق ہوگئے ہیں، دھماکے کے باعث بازار میں افراتفری پھیل گئی اور ہر کوئی اپنے پیاروں کو ادھر ادھر تلاش کرنے لگے۔

با تاسف حوالی ساعت 16:40 امروز یکمقدار مواد انفجاری در مقابل مارکیت انصاف ساحه بازار سه راهی سرک نو شهر بامیان انفجار نمود که در اثر آن یک منسوب ترافیک و ۱۳ تن از هموطنان ملکی ما شهید و ۴۵ تن دیگر مجروح گردیدند. این جنایت غیرقابل توجیه و یک عمل نابخشودنی است.

 

وزارت داخلہ کے ترجمان طارق آرائیں کے مطابق ہلاک ہونے والوں میں تیرہ افراد شامل ہیں اور 45 افراد زخمی ہیں، ابھی تک کسی گروپ نے ان دھماکوں کی ذمہ داری قبول نہیں کی ہے۔

واضح رہے کہ بامیان کو افغانستان کا ایک محفوظ صوبہ سمجھا جاتا ہے ، یہ غیر ملکی سیاحوں کے لئے انتہائی پرکشش جگہ ہے، اس شہر میں سالانہ ہزاروں بین الاقوامی سیاح آتے ہیں، یہ پہلا موقع ہے کہ جب صوبے میں اس طرح کے دھماکے ہو رہے ہیں۔

اس خبر پر اپنی رائے کا اظہار کریں