بین الاقوامی

26 برس قبل کھونے والا پرس سامان سمیت دوبارہ مالک کو کیسے ملا؟

آسٹریلوی شہری کو 26 برس قبل ساحل پر کھونے والا پرس سامان سمیت دوبارہ مالک کو مل گیا۔

کیا آپ نے کبھی سوچا ہے کہ دو سے تین دہائی قبل کھوجانے والا آپ کا کوئی سامان دوبارہ آپ کو مل جائے گا، یقیناً نہیں سوچا ہوگا لیکن آسٹریلیا میں ایک شہری کے ساتھ ایسا ہی حیران کن واقعہ پیش آیا جہاں پاول نامی شخص کو 26 سال پہلے کھوجانے والا پرس دوبارہ مل گیا۔

پرس میں کچھ رقم، شناختی کارڈ، کریڈٹ کارڈ اور ڈیبیٹ کارڈز بھی موجود تھے جو 26 سال قبل پرس کے اندر موجود تھے۔

یہ پرس جوزف نامی شخص کو جنوبی ساحلی علاقے میں چہل قدمی کرتے ہوئے ملا تھا، جسے اٹھانے کے بعد انہوں نے سماجی رابطے کی ویب سائٹ فیس بک پر پوسٹ لگائی کہ ایک پرس ملا ہے جس میں فلاں فلاں چیزیں موجود ہیں۔

فیس بک پر پوسٹ دیکھ کر ایک خاتون نے پاول ڈیوس کو مطلع کیا کہ برسوں پہلے ساحل سمندر پر گرنے والا پرس دوبارہ مل گیا ہے۔

پرس کے تبادلے کےلیے پاؤل اور جوزف ساحل پر اُسی جگہ ملے جہاں 26 سال قبل پرس کھویا تھا۔

Related Articles

Back to top button