عمرہ زائرین کے لیے خوشخبری، سعودی حکومت کا بڑا فیصلہ سامنے آگیا

عمرہ زائرین کے لیے خوشخبری، سعودی حکومت کا بڑا فیصلہ سامنے آگیا

سعودی عرب نے تمام ایئرلائنز کو عمرہ زائرین اور وزٹ ویزا کے مسافروں کو مملکت لانے کی اجازت دے دی۔

سعودی عرب نے تمام ایئرلائنز کو عمرہ زائرین اور وزٹ ویزا کے حامل مسافروں کو لانے کی اجازت دے دی جس کی تصدیق سول ایوی ایشن کی جنرل اتھارٹی نے بھی کردی۔

جنرل اتھارٹی برائے سول ایوی ایشن گاکا نے اجازت کے حوالے سے تمام ایئرلائنز کے لیے باقاعدہ احکامات جاری کیے۔

جنرل اتھارٹی کی جانب سے جاری ہونے والے نوٹی فکیشن میں تمام ایئرلائنز حکام کو ہدایت کی گئی ہے کہ وہ کرونا کے حوالے سے نافذ ہونے والے قواعد و ضوابط (ایس او پیز) پر لازمی عمل کریں۔

نوٹی فکیشن میں کہا گیا ہے کہ وزٹ ویزا سمیت عمرہ زائرین کے لیے قواعد و ضوابط کی پاسداری لازمی ہے۔

واضح رہے کہ کرونا وبا کے دوران عائد پابندی کے بعد غیر ملکی ایئرلائنز کو سعودی عرب کی جانب سے پہلی بار آپریشن کی اجازت دی گئی ہے۔

واضح رہے کہ سعودی عرب نے یکم نومبر سے بیرون ملک کے زائرین کے لیے عمرہ کھولنے کا اعلان کیا، جس کے بعد انڈونیشیا اور پاکستان سے عازمین کا پہلا دستہ یکم نومبر کو ہی جدہ اور مدینہ ایئرپورٹ پہنچا تھا۔

اس خبر پر اپنی رائے کا اظہار کریں