بین الاقوامی

مسافروں کو کوویڈ 19 کے ٹیسٹ علاج اور قرنطینہ کی سہولت مفت فراہم، عمان ایئرلائنز کا اعلان جاری

عمان ایئرلائنز اپنے مسافروں کو کورونا وائرس سے متعلق اعزازی سہولیات فراہم کررہی ہے جس کے تحت مسافروں کو کوویڈ 19 کے ٹیسٹ علاج یا قرنطینہ کی سہولت مفت فراہم کی جائے گی۔

یہ سہولت یکم اکتوبر 2020سے 31مارچ 2021تک فراہم کی جائے گی، یہ سہولیات ان تمام مسافروں کو دی جارہی ہے جو عمان ایئر کے دفاتر پر یا ائیر لائن کے کال سینٹر اور ٹریول ایجنٹوں کے ذریعے عمان ڈاٹ کام سے ٹکٹ خریدتے ہیں۔

عمان ایئرپورٹس کی جانب سے ایک بیان میں کہا گیا ہے کہ یکم اکتوبر2020 سے سلطنت کے شہریوں اور رہائشیوں کے لیے پی سی آر ٹیسٹ کی سہولت دستیاب ہوگی، اس اعزازی کوویڈ کوریج پروگرام کے بارے میں تفصیلات “عمان ایئر ڈاٹ” کام پر دستیاب ہیں۔

ایئر پورٹس انتظامیہ کے بیان کے مطابق کورونا مفت کوریج ہر عمر کے مسافروں کے لئے ہے جو ایئر لائن کی وسیع پیمانے پر کوششوں کا ایک حصہ ہے تاکہ یہ یقینی بنایا جاسکے کہ اس کے مسافر ہر وقت محفوظ اور اعتماد رہیں۔

عمان ایئرپورٹس کی جانب سے یہ بھی کہا گیا ہے کہ ہوائی جہاز سے سفر کرنے والے تمام مسافروں کے لیے کرونا وائرس پی سی آر ٹیسٹ لازمی ہوگا۔

اس سلسلے میں سپلائی انٹرنیشنل اور چینی کمپنی بی جی آئی کے اشتراک سے عمان کے ایئر پورٹس مسقط انٹرنیشنل ایئرپورٹ، صلاح ایئرپورٹ، سحر ایئرپورٹ اور دقم ایئرپورٹ پر کو وِڈ 19 کے لیے ٹیسٹنگ سہولت کی فراہمی کے حتمی مراحل طے کیے جا رہے ہیں۔

اس سہولت کا مقصد مسافروں کے لیے آسانی فراہم کرنا اور وائرس سے متاثرہ افراد کی جلد تشخیص ہے، یہ قدم ہیلتھ سیفٹی پروٹوکولز کے تحت اٹھایا گیا ہے تاکہ مسافروں اور طیارے کے عملے اور ملازمین کی صحت کو محفوظ بنایا جاسکے۔

Related Articles

Back to top button